• Bienvenido
• Benvingut
• Benvido
• Ongi etorri

• Gunearen mapa
• Harremanetan jarri

Hezkuntza Ministerioak eta CERMIak pertsona ezinduen kontratazio publikoa bultzatzen dute

Erakunde biek lankidetza-hitzarmen bat sinatu dute

• Gaur sinatutako jarduera-protokoloak Ministerioko kontratazio publikoan lantalde baten eraketa eta zuzeneko eta berehalako aplikazio neurriak barne hartzen ditu
• Hitzarmenak kontratazio publikoaren dimentsio sozialaren aldeko apustua egiten du eta Pobreziaren eta Gizarte-esklusioaren kontrako Borrokaren Europako Urtearen barruan sinatzen da

Hezkuntza Ministroaren eta CERMIko Presidentearen esku-hartzearen audioa. 

Hezkuntza ministroak, Ángel Gabilondok, eta Ezintasunak dituzten Pertsonen Ordezkarien Espainiako Batzordeko (CERMI) presidenteak, Luis Cayo Pérez Buenok, Sailean pertsona ezinduen kontratazio publikoa eta enplegua sustatzeko jardunbide egoki administratiboko neurri multzo barne hartzen duen hitzarmen bat sinatu dute.

Hitzarmenak, hortaz, gizarteratzeko politika aktiboen ezarpenean aurrerapauso bat suposatzen du. Sustapen eta Defentsa ministerioekin izenpetutako hitzarmenen ostean Estatuko Administrazio Orokorraren eremuan sinatzen den ezaugarri hauetako hirugarren hitzarmena da. Lortutako konpromisoak ondorengo puntuetan zehazten dira:

• Saileko eta CERMIko ordezkariek osatutako lantaldearen eraketa. Lantaldeak ezintasuna duten langileak lan-merkatura gehiago laneratzeko neurriak, praktikak eta irizpideak aztertu eta proposatuko dituzte. Lantalde hau Hezkuntza Ministerioko eta CERMIko kideek osatuko dute era paritarioan
• Bestalde, kontratazio administratiboan berehalako efektua izango duten ezarpen zuzeneko neurri batzuk hartu dituzte. Besteak beste, 50 langile edo gehiago dituzten enpresaburuek beraien enpresetan gutxienez pertsona ezinduen portzentaia %2koa izatea. Berdinketa hausteko irizpide bezala enpresako langileen %2 baino gehiago pertsona ezinduak izatea da.

Honekin eta lantaldean agertzen ari diren beste ekimen batzuekin pertsona ezindu gehiago eta hobeto kontratatzen lagundu nahi da. Hitzarmenak kontratazio publikoko dimentsio sozialaren aldeko apustu bat da eta Pobreziaren eta Gizarte-esklusioaren kontrako Borrokaren Europako Urtearen eremuan sinatzen da. Gainera, bide eredugarri bezala, beste Ministerio eta beste Herri Administrazio batzuen jarduera eremuan neurri hauek sartu nahi dituzte.
Hala gizarteko sektore zaurgarrienak integratzen laguntzeko neurriak bultzatzeko Botere Publikoen agindu konstituzionala betetzen da.