Hezkuntza ministroak, Ángel Gabilondok, babesten duten gizarte eta hezkuntza eragile guztiekin Hezkuntzaren aldeko Itun Sozial eta Politikoaren xedeak egikaritzeko konpromisoa hartu du gaur. Ministerioak hilabete honetan deituko ditu Hezkuntzako Konferentzia Sektoriala, Irakaskuntza Publikoaren Mahai Sektoriala, Hitzartutako Irakaskuntzaren Mahai Sektoriala eta Gurasoen Elkarteen Mahaia, Espainiako hezkuntzaren kalitatea hobetzuko duten berehalako ekintzetan aurkitutako adostasun zabala bihurtzeko. Hau "herrialdeak xede hauek bultzatzeko beharrezko indarra eta erakundeak" dituelako egingo du.
Ministroak Ituna egituratzen duten 12 xedeak martxan jartzeko 1.570 milioi euro zuzentzeko konpromisoa ere berretsi du eta zera azpimarratu du: "Itunaren alde lan egiten jarraituko dugu gizarteak adostasuna nahi duelako". "Konpromisoa herritarrekiko konpromisoa, herrialdearekiko konpromisoa eta herrialdearen etorkizunarekiko konpromisoa da eta hau gaur publikoki baieztatzen dugu. Lan egingo dugu", esan du. Hilabete hauetan negoziazioetan parte hartu dutenen eta orain dela urte askotik Espainian hezkuntzaren alde lanean ari diren guztien ahalegina eskertu du.
Audioa hezkuntza ministroaren deklarazioekin 
© Hezkuntza, Kultura eta Kirol Ministerioa
