Hemen zaude:

Kirola

Espainiako Gobernuak 2016ko Joko Olinpiko eta palinpikoetarako Madrileko hautagaitza babesteko 15.435 milioi euro inbertituko ditu

2009ko urtarrilaren 16a

Ministro Kontseiluaren hitzarmena

Ministro kontseiluak, Mercedes Cabrera Hezkuntza, Gizarte-Politika eta Kirol ministroak proposatuta, Hitzarmen bat onetsi du. Hitzarmen honen arabera Espainiako Gobernuak Madril 2016 urterako Joko Olinpikoen eta Paralinpikoen antolatzaile izateko hautagaitza babesten du eta Nazioarteko Batzorde Olinpikoak egindako Hautagaitza Eskuliburuan eskatzen diren bermeak ematen dizkio.

Hitzarmen honek finantza aldetik konpromiso batzuk ditu Madrileko azpiegiturak honelako gertaera batek behar dituen eta Nazioarteko Batzorde Olinpikoak eskatzen dituen baldintzetara egokitzeko, eta 15.435 milioi euro baino gehiago dira.

Horrela, Espainiako Gobernuak hurrengo konpromisoak hartu ditu:

Kirol instalazioei dagokienez Batzorde Antolatzailearen esku jarriko du, inolako kosturik gabe, bereak diren egoitzak, kirolekoak eta kirolekoak ez direnak, behar diren guztiak. Gainera, lehiaketarako egoitza iraunkorretarako beharrezko azpiegituraren eraikuntzaren finantzaketaren %33,33 bere gain hartuko du. Honek esan nahi du Gobernuak kirol-instalazio berrietarako 93,8 milioi euro emango dituela.
Beharrezko laguntzaren azpiegiturei dagokienez, batez ere garraioari dagokionez, Gobernuak 14.761 milioi euro inbertitzeko konpromisoa hartzen du eta horietatik 97,8 milioi bakarrik egongo dira Joko Olinpikoak 2016an Madrilen ospatzearen balditzapean.
Joko Olinpikoak eta Paralinpikoak giro baketsu eta seguruan ospatu daitezen Gobernuak Segurtasun Plan Zuzentzaile bat landuko du, Estatuko Aurrekontu Orokorretik ordainduta eta horren bitartez Estatuko Segurtasun Indar eta Kidegoen jarduera koordinatuko da. Gertakizun honetan segurtasun baldintza hoberenak bermatzeko beharrezkoak diren jarduerek 550 milioi euroko kostua izango dute.
Azkenik, Gobernuak beste arlo batzuetan ere konpromiso zehatzak hartzen ditu, hala nola, dopinaren aurka edo ingurumena babestearen alde, besteak beste.

Hitzarmen honek 2007ko azaroaren 30ean Ministro Kontseiluak onetsitako beste bat berresten du, Madril hautagai izatearen aldekoa, hain zuzen ere.

Alde honetatik Nazioarteko Batzorde Olinpikoaren aurrean Espainiako Gobernuak proiektuari bere babesa ematea garrantzitsua da eta babes hau Gobernuko Presidentetzak, Presidenteordetzak, eta ondoko Ministerioek emango dute: Ekonomia eta Ogasun; Industria, Turismo eta Merkataritza; Lana eta Immigrazioa, Hezkuntza, Gizarte-Politika eta Kirola; Sustapena; Osasun eta Kontsumoa, Ingurumena eta Kultura.

2008ko urtarrilaren 14an Nazioarteko Batzorde Olinpikoaren aurrean hautagaitzaren galdeketa eta Bermeen Gutunak aurkeztu ziren. 2008ko urtarriletik ekainera bitartean aditu talde batek 2016ko Joko Olinpikoak antolatzeko hiri hautagaiek aurkeztutako galdeketak aztertu zituen. Nazioarteko Batzorde Olinpikoaren Batzorde Betearazleak (COI) 2008ko ekainean erabaki zuen hautagai finalistak izango ziren hiriak (Madril, Rio de Janeiro, Chicago eta Tokio). Madrilek bigarren postuan kokatzea lortu zuen, Tokioren atzetik.

Orain bigarren fasea hasten da eta fase honetan hiri finalistek hautagai-dossierrak bidaliko dizkiete COIri aurtengo otsailaren 12an, Coiren Ebaluazio Batzordeak hiri finalistak bisitatu baino lehen eta hautagaitza bakoitzaren txostena egin baino lehen. COIn daudenek Jokoen egoitza aukeratuko dute 2009ko urrian Kopenhaguen izango den biltzarrean eta bozketa indibiduala eta isilpekoa izango da.