E Plana
Gizarte-Politikako Estatu-idazkaria den Amparo Valcarcek, Balear Uharteetako presidentea den Francesc Antichek eta Balear Uharteetako Gobernuko Gizarte Gaietako, Sustapeneko eta Immigrazioko aholkularia den Fina Santiagok lankidetza-hitzarmen bat sinatu dute gaur Palman. Honen arabera, Espainiako Gobernuak guztira 7.299.678 euro bideratuko ditu erkidego honetara pertsona ezinduen arretarako inbertsio eta proiektuak gauzatzeko, Ekonomia eta Enplegua Suspertzeko Planaren mendekotasunaren ezohiko funtsaren kontura (E Plana).
Espainiako Gobernuak esklusiboki finantzatutako proiektu hauek Balear Uharteetako Gobernuak eskatu zituen.
Funts berezi honen xedea ekonomia-jarduera eta lanpostuen sorkuntza estimulatzean zentratzen da, halaber gizarte-babesa indartzean.
Ezohiko funts honen bidez, aurten Balear Uharteek inbertsioak finantzatuko dituzte eguneko nahiz gaueko zentroen plaza berrietan eta adineko pertsonen eta pertsona ezinduen arretarako lehendik dauden zerbitzuak egokituko dituzte egoitzetan eta garraioan.
Gainera, pertsona ezinduen arretarako plaza berrien hitzarmenak bultzatuko dira egoitza-zentroetan.
Inbertsio hauek pertsona ezinduentzako 622 plazaren sorkuntza edo moldaketa ekarriko dute Balearretara. Bestalde, 658 garraio-zerbitzu egokituko dira.
Gainera, Dependentzia-Sistemaren profesional eta teknikarientzako lau prestakuntza-programa finantzatuko dira,130 plaza izango dituztenak.
Ezohiko funtsaren kontura egingo diren proiektu hauen martxan jartzeak 300 lanpostu ingururen sorkuntza ekarriko du Balear Uharteetara.
E Planaren ezohiko funtsa Autonomia Erkidegoek Dependentziaren Legerako jasotzen duten finantzaketa orokorrari gehitzen zaio.
2009an, Espainiako Gobernuak 1.558 milioi baino gehiago eskainiko dizkio mendekotasunari, iaz baino %79 gehiago.
© Hezkuntza, Kultura eta Kirol Ministerioa
