E Plana
Hezkuntza, Gizarte-Politika eta Kirol Ministroa den Mercedes Cabrerak eta Extremadurako Juntako presidentea den Guillermo Fernández Varak gaur sinatu duten lankidetza-hitzarmen arabera, Espainiako Gobernuak guztira 11.003.316 euro bideratuko ditu erkidego honetara pertsona ezinduen arretarako proiektuen garapenerako, Ekonomia eta Enplegua Suspertzeko Planaren mendekotasunaren ezohiko funtsaren kontura (E Plana).
Ezohiko funts honen bidez, aurten Extremadurak inbertsioak finantzatuko ditu ezinduen arretarako zentro berrietan, zerbitzuetan eta plazetan, eta lehendik dauden zentro eta zerbitzuak modernizatu eta egokituko ditu. Inbertsio hauek pertsona ezinduentzako 1.800 plazaren sorkuntza edo moldaketa suposatuko dute egoitza-zentroetan, autonomia pertsonalaren sustapenerako zerbitzuetan eta etxez etxeko laguntza-zerbitzuetan.
Ezohiko funtsaren kontura egingo diren proiektu hauen martxan jartzeak ia 1.000 lanposturen sorkuntza ekarriko du Extremadurara.
Autonomia erkidego honetan gaur egun Dependentziaren Legearen onuradun izateko eskubidea onartu zaien 14.255 pertsona daude.
Gaur hitzartutako hamaika milioi euroak Extremadurako herritarrek Espainiako Gobernuaren aldetik Dependentziaren Legearen garapenerako jasoko duten finantzaketari gehituko zaizkio.
2009an bideratuko den guztizko zifra ez da urte amaierara arte ezagutuko.
Baina gogoan izatekoa da 2008an, MEPSYDEK 19,4 milioi euro baino gehiago bideratu zituela autonomia erkidegora kontzeptu honengatik.
E Planaren ezohiko funts hau Dependentziaren Legearen finantzaketa orokorrari gehitzen zaio.
Horrela, 2009an, Espainiako Gobernuak 1.558 milioi baino gehiago eskainiko dizkio mendekotasunari, iaz baino %79a gehiago.
© Hezkuntza, Kultura eta Kirol Ministerioa
