Hezkuntza, Gizarte-Politika eta Kirol Ministroa den Mercedes Cabrerak eta Gaztela-Mantxako Erkidegoen Juntako presidentea den José María Barredak gaur sinatu duten lankidetza-hitzarmenaren arabera, Espainiako Gobernuak 21.416.954 euro bideratuko ditu autonomia erkidego honetara, pertsona ezinduen arretarako proiektuen garapenerako, Ekonomia eta Enplegua Suspertzeko Plan Espainiarraren mendekotasunaren ezohiko funtsaren kontura (E Plana).
Ezohiko funts honen bidez, Gaztela-Mantxak aurten inbertsioak finantzatuko ditu pertsona ezinduen arretarako zentro, zerbitzu eta plaza berrietan, eta lehendik dauden zentro eta zerbitzuak modernizatu eta egokituko ditu. Inbertsio hauek ezinduentzako 6.755 plazaren sorkuntza edo moldaketa ekarriko dute egoitzatan, eguneko zentroetan eta autonomia pertsonalaren sustapenerako zerbitzuetan.
Eskualdeko Gobernuak aukeratutako eta ezohiko funtsaren kontura burutuko diren proiektu hauen martxan jartzeak 1.874 lanposturen sorkuntza ekarriko dio Gaztela-Mantxari.
Autonomia erkidego honetan gaur egun Dependentziaren Legearen onuradun izateko eskubidea onartu zaien 33.732 pertsona daude.
Pertsona ezinduentzako arreta-zerbitzu berrietarako hitzarmenak eta etxez etxeko laguntza-zerbitzuaren azpiegitura hobetzeko programak ere gauzatuko dira.
Gaur hitzartutako 21,4 milioi euroak Gaztela-Mantxako herritarrek Espainiako Gobernuaren aldetik Dependentziaren Legearen garapenerako jasoko duten finantzaketari gehituko zaizkio.
2009an bideratuko den guztizko zifra ez da urte amaierara arte ezagutuko.
Baina gogoan izatekoa da 2008an, MEPSYDEK 45,7 milioi euro baino gehiago bideratu zituela autonomia erkidegora kontzeptu honengatik.
E Planaren ezohiko funts hau, 400 milioi eurotakoa, Dependentziaren Legearen finantzaketa orokorrari gehitzen zaio.
Horrela, 2009an, Espainiako Gobernuak 1.558 milioi baino gehiago eskainiko dizkio mendekotasunari, iaz baino %79 gehiago.
© Hezkuntza, Kultura eta Kirol Ministerioa
