Hezkuntza ministroak, Ángel Gabilondok Zibilizazioen Aliantzaren inguruko Nazio Batuen Unibertsitatearen Nazioarteko Institutua (IIAC-UNU) aurkeztu du Bartzelonan. Nazio Batuen Unibertsitateak Espainian eta mediterraneo osoan irekitzen duen lehen erakundea da eta Zibilizazioen Aliantzarekin lotutako ikerketa eta azterketak sustatzera dedikatuta egongo da. Gabilondok "IIAC-UNUk" anbizio handiko misio estimulatzailea duela ziurtatu du. bakea indartzeko ideiak eraikitzea, herrien arteko adiskidetasuna eta ulermena lortzeko ezagutzaren bidez borrokatzea.
Zentzu honetan, Ministroak "Zibilizazioen Aliantza lortzeko Ezagutzaren Aliantza baten eta herri guztien hezkuntzaren bidez" bakarrik posible dela gehitu du. "Beharrezkoa da balio komunak nola finkatu pentsatuko duten eta balio horiek, ezagutza komun hori, gizateria osoaren ondarea lortzeko modu onena zein den aukeratuko duen instituzioak izatea".
IIAC-UNU Sant Pau Ospitaleko esparru modernistan kokatuko da eta Zibilizazioen Aliantzari dedikatuta egongo da. Institutua Hezkuntza Ministerioak eta Kataluniako Generalitateko Departament d'Innovació, Universitats i Empresak finantziatuko dute. Zentro hau Sant Pauko esparru historikoan kokatuko den lehen nazioarteko erakundea izango da.
Sant Pau Ospitaleko Sant Manuel pabilioia Nazio Batuen Unibertsitateko egoitza espainiarra izateko birgaituko dute. Esparru modernistan egokituko duten lehen eraikina izango da. Proiektu hone bidez, Sant Pau Mediterraneoko Nazioarteko Zentro eta erakunde mundialen egoitzen plataforma handi bihurtuko dute. Proiektua bi fasetan egingo da: lehenengoa 2013an amaitu beharko da eta bigarrena 2016an eta Katalunian azken aldian egin den ondare birgaitze handiena da.
Nazio Batuen Unibertsitatea (UNU)
Ekimena osasun jarduera ospitale berrira lekualdatzen denean egingo den esparru modernista nazioarteko izaerako egoitzen gune handi batean bihurtzeko proiektuaren parte da.
Nazio Batuen Unibertsitatea (UNU) Nazio Batuen Batzar Orokorraren organo autonomo bat da. Bere helburua sorkuntza bultzatzea eta ezagutzak trasferitzea eta Nazio Batuen Kartaren printzipioetan agertzen diren gaitasun indibidualak eta instituzionalak sustatzea da. 1975ean sortu zenetik gizarte eta giza zientzietatik eta zientzia natural garbi eta aplikatuetatik datozen ezagutza eta teoriak ezartzen ditu.
Bartzelonan irekiko den zentroa Lluís Domènech i Montaner arkitektoak sortutako Sant Manuel pabilioian egongo da eta munduko hamargarrena izango da. Pasa den otsailaren 4an Espainiako Gobernuak eta UNUk Bartzelonako institutua Zibilizazioen Aliantzari dedikatuta egongo zela adostu zuten.
UNUren bi programa iraunkorrak -Garapen Iraunkorraren Programa eta Pazen Bake eta Gobernu Onaren Programa- Tokion kokatutako UNUren egoitza zentraletik koordinatuta, eta mundu guztiko erakunde eta zientzialariekin lankidetzan eginak daude. Institutu bakoitzak ikerketa, irakaskuntza eta ezagutzen transferentzia alor zehatz bat dute, baina sarean lan egiten dute eta helburuak eta ekintzak partekatzen dituzte.
Bai UNUren egoitzak bai ikerketa eta prestakuntza zentroek gai anitzak jorratzen dituzte, baina beti mundu mailan. Besteak beste, uraren kudeaketa, osasuna, elikadura eta nutrizioa, bioteknologia, ingurumena, gizakien segurtasuna eta teknologia berrien eraginak. Bartzelonako zentro berria, "Zibilizazioen Aliantzaren inguruko UNUren Nazioarteko Institutua" (UNU-IIAC) izenekoa, proiektu zabalago baten barruan sartzen da, Mediterraneoko Nazioarteko Zentroaren barruan, hain zuzen ere. Sant Pauko esparru historikoan garatzen da eta gaur egun azken aldian Katalunian egin den ondare birgaitze handienetakoa izaten ari da.
Zibilizazioen Aliantza
UNU-IIAC Nazioarteko Institutuak "think tank" eta ideien eta pentsamentuen sormen eta hedapen zentro batean eratzea nahi du, Bonnen 2008ko abeduaren 1etik 5era ospatutako Nazio Batuen Unibertsitatearen Kontseiluko 55. bilerako mandatuarekin bat etorriz. Bilera honetan erabaki zen UNU-IIAC Nazioarteko Institutua sortzea. Helburua Zibilizazioen Aliantzaren inguruko gaietan Nazio Batuen sistemari laguntzea da, batez ere bakearen indartzeari dagokionez. Zibilizazioen Aliantza 2005ean sortu zuten Espainiako Gobernuaren proposamenez eta Nazio Batuek babestuta.
Lan-eremuak
UNU-IIACen ikerketa eta prestakuntzaren lehentasunezko arloak ondorengoak izango dira:
Eremuen harreman hau ez da sakona eta handitu edo osatu ahal izango da. UNU-IIAC Nazioarteko Institutuak jarduera guztietan kontuan izango du batez ere generoaren ikuspuntua eta aurrerapenaren iraunkortasuna, UNUaren beraren printzipioak kontuan hartuta. Eskualde Mediterraneoak ere zeharkako ikerketako eremu eta Institutuaren jarduera akademikoen eremu bezala arreta berezia jasoko du.
Jarduerak
Programa akademikoaren lehentasun espezifikoen barruan, UNU-IIACak hurrengo jarduerak egingo ditu:
Finantzaketa eta irakasleak
UNU-IIAC Institutuaren jardueren finantzaketa Espainiako Gobernuaren eta Kataluniako Generalitatearen eta haien jardueren garapenaren bidez lor daitezkeen baliabideen aldetik egindako diru-laguntzekin eratuko da.
Sant Manuel pabiloiak 2.305 metro karratuko azalera dauka eta aurten birgaitze proiektua bukatuko dela aurreikusi da. Lanak 2010 eta 2012 urteen artean garatuko dira 2012 urtearen hasieran martxan egon ahal izateko.
Institutuak fundazio baten forma juridiko pean jardungo du. Lehenengo patronatua UNUk, Espainiako Gobernuak, Kataluniako Generalitateak, Unibertsitateak Koordinatzeko Kontseiluak eta Fundació Privada Hospital Santa Creu i Sant Pau Administrazio ospetsuak autatuko dute.
Institutuak, UNU barruko araudiarekin batera nazioarteko lehiaketa publikoaren bidez aukeratutako Zuzendaria izango du eta egonaldi akademikoetan irakasle eta ikertzaile bisitariak hartu ahal izango ditu. Era berean, irakaskuntzako eta beste instituzio batzuekiko ikerketen hitzarmenak ezarriko dira.
UNUko Prestakuntza eta Ikerketa Zentroak
UNU-IIAC UNUko hamargarren Ikerketa eta Prestakuntza Zentroa da. Beste bederatzi Zentroak zortzi herrialdetan kokatuta daude:
Gainera, UNUko ikerketa eta prestakuntzaren zazpi programa daude, sei herrialdetan banatuta: Venezuela (UNU-BIOLAC Caracasen: bioteknologiaren inguruko programa); Belgika (UNU-CRIS Bruggesen: eskualdeko ikasketa konparatiboen inguruko programa); AEB (UNU-FNP Ithacan, New York: Elikaduraren inguruko programa); Islandia (UNU-FTP Reykjavicen: Arrantzaren prestakuntzaren programa eta UNU-GTP Reykjavicen: Geotermologiaren prestakuntzaren programa); Alemania (UNU-DPC Bonnen: Uraren hamarkadaren programa gaitasunen erakuntzarako eta aldaketa globalaren giza dimentsioen nazioarteko UNU-IHDP Programa, Bonnen); Canadá (UNU-INWEH Ontarion: uraren, ingurumenaren eta osasunaren inguruko nazioarteko sarea).
© Hezkuntza, Kultura eta Kirol Ministerioa
