Ministro Kontseilua
Ministro Kontseiluak, erakunde unibertsitarioak Goi-Hezkuntzako Europar Eremura egokitzeko 12 milioi euro banatzeko hitzarmena onartu du, Hezkuntza Ministerioaren proposamenari jarraiki.
Halaber, hitzarmenean autonomia erkidegoen finantzaketarako banaketa irizpideak ezarri dituzte. Irizpide hauek pasa den ekainaren 2an egindako Unibertsitate Politikarako Biltzar Nagusian hitzartu ziren, erkidego guztien eta Hezkuntza Ministerioaren ordezkariak bertan zirela.
Irizpide horien artean honako hauek daude: 2009-2010 ikasturterako Bologna Planaren arabera ezarritako gradu berrien kopurua, ikasleen kopurua, eremu geografiko bakoitzeko unibertsitate kopurua edo titulazio ofizialen guztizko kopurua.
2005etik 2009ra, Espainiako Gobernuak 51 milioi euro baino gehiago eman ditu hori lortzera begira eta orain, 2010eko Estatuko Aurrekontu Orokorren proiektuan aurreikusitako 12 milioiko saila gehitu behar zaio zenbateko horri.
© Hezkuntza, Kultura eta Kirol Ministerioa
