Hitzarmenaren helburua Filipinetako hezkuntza sisteman espainiera atzerriko hizkuntza bezala guztiz sartzea eta herrialdean Espainiako kultura bultzatzea da
Hezkuntza Ministerioak, Garapenerako Nazioarteko Kooperakuntzarako Agentzia Espainiarrak (AECID) eta Cervantes Institutuak, Filipinetako hezkuntza sisteman espainiera atzerriko hizkuntza bezala ezartzea eta herrialde asiarrean Espainiako kultura sustapena bultzatuko dute, gaur Filipinetako Hezkuntza Ministerioan sinatutako akordio baten bidez
Nazioarteko Harremanen zuzendari nagusiak, José Manuel Martínez Sierrak, Hezkuntza Ministerioaren aldetik hitzarmena sinatu du.
Espainieraren eta Espainiako Kulturaren Irakaskuntza Hobetzeko eta Sustatzeko Ulermenaren Memoranduma (MOU) Filipinetako Hezkuntza MInistroak, Jesli Lapusek, Espainiako Hezkuntza Ministerioko Nazioarteko Harremanen Zuzendari Nagusiak, José Manuel Martínez Sierrak, Cervantes Institutuko Zuzendari Nagusiak, Carme Caffarelek, eta AECIDeko Kultura eta Zientzia Harremanen Zuzendariak, Carlos Alberdik, sinatu dute gaur.
Gaur egun, espainierak sustapen boluntario eta aukerako hizkuntza estatusa du Filipinetako Errepublikako hezkuntza sisteman. Ulermenaren Memorandum honen xedea Filipinetako bigarren hezkuntzan espainiera atzerriko hizkuntza bezala ezartzea, eta hitzarmena sinatu duten instituzio espainiarretariko bakoitzari baliabideak koordinatzeko esparru orokor bat ezartzea da, beti ere Filipinetako gobernuko Hezkuntza Sailaren antolamenduarekin bat etorriz.
Hitzarmen honek bigarren hezkuntzako 15 ikastetxetako mila ikasle ingururi iritsiko zaion sarrerako fase pilotu bat, eta ekimena beste berrogeita hamar ikastetxetara zabalduko duen programaren zabaltze fase bat aurreikusten ditu. Bigarren fase honetan, 2010. urtea arte 8.000 bat ikasle gehiagora iritsiko da. Urte horretatik aurrera herrialdeko bigarren hezkuntza guztira zabalduko da espainiera atzerriko hizkuntza bezala ikasteko programa.
Gaur sinatutako hitzarmenaren arabera, Espainiako Hezkuntza Ministerioak Hezkuntza bulego bat izango du Filipinetako Espainiako Enbaxadan. Irakasle filipinarrei aholkularitza tekniko eta formatiboa emango die eta Espainiako eta bertako ikastetxeen arteko hezkuntza trukeak sustatuko ditu.
AECIDak espainiera irakasteko ikastetxeentzako garapen didaktikoak eta baliabide elektronikoen eta bibliografikoen hornidurak dituen curriculumen diseinua eta irakurlego programaren barruan Filipinetako unibertsitateetan espaniera irakurle postuak finantzatuko ditu.
Bere aldetik, Cervantes Institutuak Filipinetako irakasleei espainierako zuzeneko irakaskuntza, Espainieraren Ikasgela Birtualaren bidez laguntza programaren antolakuntza eta, Espainiako eta Filipinetako Hezkuntza Ministerioen lankidetzarekin, hizkuntzaren ezagutzaren ziurtapena emango ditu.
Hau, Filipinetako gobernuaren konpromisoarekin egingo da. Honek aipatutako instituzioekin ahalik eta gehien erraztuko du lankidetza. Honen helburua beraien hezkuntza sisteman espainiera atzerriko hizkuntza bezala ezartzea eta DELE hezkuntza ziurtagiriak gehitzea da.
Ulermenaren Memorandumaren sinadura gaur gauzatu da Bartzelonako Asia Etxean ospatzen den Espainia-Filipinak Tribunaren bosgarren edizioan. Eztabaidagune horretan, bi herrialdeetako gizarte zibileko, administrazioko, unibertsitate munduko eta enpresako pertsona nabarmenak, energia berriztagarriak, lankidetza kulturala, hezkuntza eta garapenerako lankidetzaren inguruko gaiak jorratzeko bildu dira. Eztabaida tematikoen mahai-inguruetatik aurrera, bilera honek Espainiaren eta Filipinen arteko agenda komun bat finkatzeko bultzada berri bat ematea nahi da.
© Hezkuntza, Kultura eta Kirol Ministerioa
