Ministro Kontseiluak, Hezkuntza ministroak, Ángel Gabilondok, hala proposatuta, liburutegiak hobetzeko bederatzi milioi euroko partida bat onetsi du. Xedea ikasleen eta gainerako eskola-elkartearen artean irakurketa bultzatzea da.
Aurrekontu hau, 2005ean, irakurketarako liburuen hornikuntzak eta hezkuntzarako materialak eta honen kudeaketarako beharrezko ekipamenduak hobetzeko helburuarekin sortu zen eskolako liburutegien hobekuntza Planean kokatzen da. Ordutik Ministeriok egindako inbertsioa 70 milioi eurokoa da guztira.
Gainera, eskola liburutegien hobekuntza plana Autonomia Erkidegoekin egindako lankidetza programa bat da. Izan ere, Autonomia Erkidegoek Hezkuntza Ministeriotik jasotzen duten kantitate bera emateko konpromisoa hartzen dute.
Autonomia Erkidego desberdinen artean banatzen diren fondo hauek hornikuntza bibliografikoen, ikus-entzunezko hornikuntzen eta hornikuntza informatikoen eta eskolako liburutegien kalitatea hobetzeko beharrezko beste gastu batzuen gehikuntzara bideratuta daude.
Era berean, programa hauen helburu nagusien artean, ikastorduez kanpo eskolako liburutegien erabilerraztasunaren hobekuntza eta ikaslanean eskolako liburutegien integrazioan irakasleen prestakuntza daude.
Gaur onetsitako hitzarmena Espainia osoko ikastetxeetako eskolako liburutegien hobekuntzarako sortutako ekintza multzo baten parte da. Ekintzek sari eta laguntza deialdiak deitzea, eskolako liburutegiak Liburutegien Lankidetza Kontseiluan integratzea, hezkuntza administrazioen arteko lankidetza sustatzea eta eskolako liburutegien inguruan jardunbide egokiak hedatzea barne hartzen dituzte.
Hezkuntzaren Lege Organikoak etapa guztietako ikasleen artean irakurketa ohituren hobekuntzan arreta berezia jartzen du. Gainera orientazio hau hezkuntza sistemaren printzipio orokorren artean jasotzen da, irakurketa-idazketa haur-hezkuntzan barne hartzen da eta lehen hezkuntzan egunero denbora minimo bat irakurketari dedikatzeko derrigortasuna eta Bigarren Hezkuntzako arlo guztietan irakurketa lantzeko beharra dago. Bere aldetik, batxilergoan irakurketarako ohiturak finkatu nahi dira liburuengatiko interesa eta jendaurrean egoki mintzatzeko gaitasuna suspertzen duten jardueren bidez.
Banaketa irizpideak
Funtsen banaketa hurrengo irizpideak kontuan hartuta burutzen da:
Irizpide hauen aplikazioaren emaitza autonomia erkidegoka egindako hurrengo banaketa da:
| Autonomia erkidegoa | Kopurua |
|---|---|
| Andaluzia | 2.063.455 |
| Aragoi | 285.669 |
| Asturiasko Printzerria | 181.411 |
| Illes Balears | 179.396 |
| Kanariak | 483.382 |
| Kantabria | 107.461 |
| Gaztela eta Leon | 503.880 |
| Gaztela-Mantxa | 492.883 |
| Katalunia | 1.542.297 |
| Comunitat Valenciana | 931.222 |
| Extremadura | 286.080 |
| Galizia | 628.740 |
| Madrilgo Erkidegoa | 945.460 |
| Murtziako Eskualdea | 314.430 |
| Errioxa | 54.234 |
© Hezkuntza, Kultura eta Kirol Ministerioa
