Zientzia eta Teknologiarako Espainiako Fundazioak (FECYT, Zientzia eta Berrikuntza Ministerioarena) eta Hezkuntza Ministerioak Udako Zientzia Campusak inauguratu ditu gaur Madrilen. Ekimen honetan DBHko 4. mailako eta Batxilergoko 1. mailako 300 ikaslek parte hartuko dute. Hauek 6 Nazioarteko Bikaintasunaren Campusei dagozkien unibertsitateetako ikerketa proiektuetan sartuko dira bi astez.
Ekitaldia Zientzia eta Berrikuntza Ministerioko Estatu-idazkariak, Felipe Petrizek, FECYTeko zuzendari nagusiak, Lourdes Aranak, eta Hezkuntza Ministerioko Unibertsitateko Prestakuntza eta Orientazioko zuzendari nagusiak, Mercedes Chaconek, presiditu dute.
Bere esku-hartzean, Estatu-idazkariak zera adierazi du: "ekonomia berri jasangarriago eta egonkorrago bateratzako bidea gaitasun zientifiko eta teknologiko berriago batetik igarotzen da". Horregatik, zera gehitu du: "ez dago zuen etorkizunaren eta gure gizarte osoaren protagonista izateko bide hobeagorik alor hauetan lan egitea baino".
Mercedes Chaconen arabera, unibertsitate bakoitzeko proiektuak "duten zientzia eta gaurkotasunezko interes handia dutelako eta ikasleentzako formatu erakargarriak aurkitzen jakin dutelako aukeratu dituzte". Ikasleak "zientzia ikasteko, zientziarekin gozatzeko eta beste ikastetxe eta autonomia erkidego batzuetatik datozen ikaskideekin elkarbizitzeko" aukera aprobetxatzera ere animatu ditu.
Bere aldetik, Lourdes Aranak "bokazio zientifikoa eta talentu berritzailea bultzatzea" beharrezkoa dela adierazi du, hala eskola garaitik gazteek zientziarekiko duten interesa sustatuz. FECYTeko zuzendari nagusiak ekimen honetan parte hartuko duten 300 gazte baino gehiago animatu ditu eta munduan punta-puntako zientzialariak eta teknologoak izango diren belaunaldi batean bihurtzeko lan egiteko erronka planteatu die.
Inaugurazio ekitaldia Madrileko Unibertsitate Politeknikoaren errektoretzan ospatu da.
Zientzia campusak
Zientzia campusen xede nagusia ikasleek ikerketa lanarekin lehen harreman esperientzia bat izatea da. Ikasleak maila altuko unibertsitateko irakasleek zuzentzen dituzte, bigarren hezkuntzako irakasleekin lankidetzan. Ikasleek lan praktiko eta teorikoak egingo dituzte eta proiektuetan izandako parte-hartzean zehar lortutako emaitzen aurkezpen publiko bat ere egingo dute. Hau guztia zientzia eta kulturako aisialdi jarduerekin, konferentziekin eta topaketekin osatzen da, Udako Zientzia Campusak ikasleak ikerketa zientifikoen munduan sartzeko instrumentu eraginkor bat izateko asmoarekin.
Campusak 2010eko uztailaren 4tik 31ra egingo dira Nazioarteko Bikaintasunaren Campusari (CEI) edo Eskuladekoari (CER) atxikitako ikerketa institutu eta sailetan. 14 eguneko bi txandatan egingo dira, Kordoba, Oviedo, Kantabria eta Santiagoko Unibertsitateetan; Katalunian, Bartzelonako Unibertsitatean, Unibertsitate Autonomoan eta Kataluniako Politeknikoan; eta Madrilen Unibertsitate Autonomoan, Konplutentsean, Unibertsitate Politeknikoan eta Carlos III. Unibertsitatean.
2007tik FECYTek Udako Zientzia Egonaldiak (ESCIVE) programa egiten du. Programa honi esker ikastetxeetako 375 ikasle baino gehiagok unibertsitateetan zientzia jarduerarekin harremanetan jartzeko aukera izan dute. FECYTeko esperientzia honetatik nahiz Hezkuntza Ministerioak 2009an martxan jarritako bigarren hezkuntzako ikasleentzako sakontze zientifikoko Campus esperientziatik aurrera, bi erakundeek indarrak batu dituzte Bigarren Hezkuntzako azken etapetan ikasle gazteen artean (DBHko 4. maila eta Batxilergoa) zientziarekiko interesa pizten laguntzeko, 2010eko Udako Zientzia Campus hauek sortuz. Informazio gehiago: www.campuscientificos.es 
.
© Hezkuntza, Kultura eta Kirol Ministerioa
